Thursday, February 21, 2013

ജീവിതം


ഒരുവഴിയില്‍,

എനിക്കുതോന്നിയ വഴിയില്‍,

ഞാന്‍ നടക്കുകയാണ്;

അലസമായി, അസ്വസ്ഥമായി..

ശമിക്കാത്ത ഏതൊക്കെയോ വികാരങ്ങള്‍ക്കടിമയായി,

വിശപ്പ്, ഉറക്കം, ക്രോധം, കാമം..

ഒരുവഴിയില്‍,

എന്‍റെതന്നെ തെറ്റിയ വഴിയില്‍,

വീണ്ടും വീണ്ടും.

ലക്ഷ്യം- ഒന്നല്ല, രണ്ട്..

ഞാണില്‍ നടക്കുന്ന ബാലികയെപ്പോലെ

ശ്രദ്ധിച്ചല്ല,

അശ്രദ്ധമായി, അലസമായി.


ഉറക്കം

ഈയിടെയായി ഉറക്കം വളരെ കൂടുതലാണ്.

പോത്തുപോലെയുള്ള ഉറക്കം.

ചത്തപോലുള്ള ഉറക്കം.

ഒടുക്കത്തെ ഉറക്കം.


കാമുകി

എന്നേ പൊട്ടിയ ചരടാണ്.

എന്നുമതെടുത്തുവച്ച് തുപ്പലം ചേര്‍ത്തോട്ടിക്കാന്‍ നോക്കും.

മൂക്കില്‍ കയ്യിട്ടു മണപ്പിച്ചു നോക്കും.

വളരുന്ന പുഴുക്കളെ നോക്കും.

എന്നിട്ട് തുപ്പലുണങ്ങുമ്പോള്‍

എടുത്ത് കാട്ടില്‍ കളയും,

നാളെ വീണ്ടും എടുക്കുവാന്‍ വേണ്ടി മാത്രം.


കൂട്ടുകാരന്‍, കൂട്ടുകാരി

എനിക്ക് ഒരു കൂട്ടുകാരനുണ്ട്.

ഒരു കൂട്ടുകാരിയുമുണ്ട്.

അവര്‍ക്ക് വേറെ കുറേ കൂട്ടുകാരുണ്ട്.

എനിക്ക് വേറെ കൂട്ടുകാരില്ല.

അത്രയേയുള്ളൂ പ്രശനം.


കോളേജ്‌

പോവാറുണ്ട്.

അവിടെ എന്താണ് സംഭവിക്കുന്നതെന്നോ,

ആരൊക്കെയാണ് വരുന്നതെന്നോ,


ആര് ആരെ പ്രണയിക്കുന്നുവെന്നോ,

ആര്‍ക്കു ആരോടോക്കെയാണ് ദേഷ്യമെന്നോ,

ഞാന്‍ അന്വേഷിക്കാറില്ല.

അതുകൊണ്ടുതന്നെ,


ഞാന്‍ അവിടെയുണ്ടോ എന്ന്

മറ്റാരും അന്വേഷിക്കാറുമില്ല.



3 comments:

  1. ഞാന്‍ അവിടെയുണ്ടോ എന്ന് ആരും അന്വേഷിക്കാറുമില്ല

    എല്ലാം കൊള്ളാം കേട്ടോ

    Disable word verification

    ReplyDelete
  2. പുതുമയുള്ള എഴുത്ത്.

    ഇഷ്ടമായി.

    ശുഭാശംസകൾ.....

    ReplyDelete
  3. കവിതകള്‍ നന്നായിട്ടുണ്ട്

    ReplyDelete